Жаңалықтар

Ж. Тілеулин атындағы Солтүстік Қазақстан жоғары медициналық колледжі өңірдегі орта медициналық қызметкерлерді даярлайтын бірегей білім ордасы ретінде кәсіби бағдарлау жұмыстарын белсенді жүргізуде. Бұл жолы колледж өкілдері ең шалғай аудандар – Уәлиханов, Ақжар, сондай-ақ облыс орталығына жақын орналасқан Қызылжар ауданының оқушыларымен кездесу өткізді.

95 жылдық тарихы бар оқу орны осы уақыт ішінде мыңдаған білікті медициналық мамандарды даярлап шығарды. Колледж түлектері ауруханаларда, емханаларда, жедел жәрдем қызметінде және басқа да медициналық мекемелерде табысты еңбек етуде.

Кәсіби бағдарлау жұмыстарының басты мақсаты – медицина саласына қызығушылығы бар жастарды қолдау, болашақ мамандықтарын таңдауға бағыт-бағдар беру. Осындай кездесулер оқушыларға колледждің оқу бағдарламалары, артықшылықтары, тәжірибелік оқыту мүмкіндіктері туралы жан-жақты ақпарат алуға мүмкіндік береді.