Ж.Тілеулин атындағы СҚ жоғары медициналық колледжінде кәсіби бағдарлау аясында ашық есік күні ұйымдастырылды. Шараға Қызылжар ауданының Подгорное орта мектебінің оқушылары қатысты.
Ашық есік күні барысында колледждің тыныс-тіршілігі кеңінен таныстырылды. Оқушылар колледждің оқу бағдарламалары, мамандықтары және студенттік өмірі туралы ақпарат алды. Сонымен қатар, тәжірибелік сабақ өтетін кабинеттерде медициналық көмек көрсету дағдыларын іс жүзінде көрсетті.
Оқушылар манекендер мен медициналық жабдықтарды пайдалана отырып, алғашқы медициналық көмек көрсету әдістерімен танысты. Бұл тәжірибе оларға болашақта медициналық салада жұмыс істеуге деген қызығушылықтарын арттыруға мүмкіндік берді.
Шараның мақсаты – жастарды медициналық мамандықтарға қызықтыру, кәсіби бағдар беру және болашақта денсаулық сақтау саласында жұмыс істеуге ынталандыру болды. Оқушылар өздерінің сұрақтарына жауап алып, болашақ мамандықтарын таңдауда маңызды шешімдер қабылдауға көмектесті.
