Ж.Тлеулин атындағы Солтүстік Қазақстан жоғары медицина колледжінде студенттермен құқық бұзушылықтың алдын алу бойынша әңгімелесу өтті. Әңгімелесуді Петропавл қ. ПБ бастығының жедел жұмыс жөніндегі орынбасары, полиция майоры Жарасов А.А. және ЮПБ бастығы, полиция капитаны Мұстафина Ж.Ж. жүргізді.
Студенттерге бопсалау, ұрлық, тонау, сондай-ақ телефон және басқа да құқық бұзушылықтар бойынша көрінеу жалған қоңыраулар үшін қылмыстық және әкімшілік жауапкершілік түсіндірілді. Спикерлер өз әрекеттерінің салдарын түсінудің маңыздылығын атап өтті және аймақтағы жастар жасаған қылмыстар статистикасымен таныстырды.
Олар құқық бұзушылықтың негізгі белгілері мен олардың алдын алу жолдарына толық тоқталды, сонымен қатар студенттер қылмыстың куәгері немесе құрбаны болған жағдайларда өзін қалай ұстау керектігін түсіндірді.
Сондай-ақ интернет пен әлеуметтік медианы пайдаланудың заңдылығы, соның ішінде ақпарат тарату, кибербуллинг және виртуалды кеңістікке қатысты басқа да құқық бұзушылықтар талқыланды.
Студенттер мен құқық қорғау органдары арасындағы мұндай өзара іс-қимыл жастар арасында құқықтық сананы қалыптастыруға және олардың қауіпсіздігін нығайтуға бағытталған маңызды қадам болды.
Жаңалықтар
Құқық бұзушылықтың алдын алу бойынша әңгіме
Қаралды: 27
