Жаңалықтар

Ж.Тілеулин атындағы СҚ жоғары медициналық колледжінде «Ұлы Отан соғысының дәрігерлері: ерлік пен мұра» атты ғылыми-тәжірибелік конференция өтті.

Бұл жай ғана жиын емес – бұл тарихпен сұхбат, ұрпақтар арасындағы алтын көпір, жүрекке жететін тағзым сәті болды.

Конференция аясында мазмұнды баяндамалар, көркемдік нөмірлер, соғыс кезіндегі медицина қызметкерлерінің жұмысынан алынған сирек бейнекадрлар ұсынылды. Колледж түлектерінің- соғыстың алдыңғы шебінде жанқиярлықпен еңбек еткен батырлардың оқиғалары тыңдалды.

«Даңқ шеруі»  – жиынның ең әсерлі сәттерінің бірі болды. Студенттер жеңіс жауынгерлерінің  суреттерімен сап түзеп,құрметтің шынайы көрінісін паш етті.

Конференцияның шарықтау шегі – колледж түлегі, соғыс жауынгері Төлеубеков Базарбай Халижаұлының жеке заттарының Облыстық өлкетану мұражайына табысталуы болды. Бұл – ерліктің мәңгі сақталатын символы, ұрпақтар сабақтастығының нақты белгісі.