Солтүстік Қазақстан жоғары медицина колледжі өңірдегі денсаулық сақтау саласындағы техникалық және кәсіптік, орта білімнен кейінгі білім берудің жалғыз мемлекеттік ұйымы бола отырып, жастардың кәсіби қалыптасуында белсенді ұстанымға ие.
Солтүстік Қазақстан жоғары медицина колледжіндегі кәсіптік бағдар беру жұмысы колледж, білім беру мекемелері, облыстың медицина мекемелері арасында тұрақты байланыстарды ұйымдастыруға, талапкерлердің мейіргер, фельдшер, медициналық зертханашы, акушер сияқты сұранысқа ие медициналық мамандықтар мен кәсіптерді игеруге қызығушылығын дамытуға бағытталған, бұл түлектердің кәсіби құзыреттілігін қалыптастыруға, олардың дайындық сапасын арттыруға ықпал етеді.
Солтүстік Қазақстан жоғары медицина колледжі халықаралық институционалдық аккредиттеуден өтті, бұл біздің түлектерімізге еңбек нарығында ойдағыдай бәсекеге түсуге мүмкіндік береді.
Колледждің педагогикалық ұжымы болашақ мектеп түлектерімен және олардың ата-аналарымен кездесулерге белсенді қатыса отырып, кәсіптік бағдар беру жұмысына өз үлесін қосады.
