«Язык, великолепный наш язык
Речное и степное в нем раздолье
В нем клекоты орла и волчий рык,
Напев, и звон, и птичьи трели…»
К. Д. Бальмонт
Тіл – халықтың рухани өмірінің көрінісі. Әр ұрпақ ана тілінің қазынасына бар тарихи және өмірлік тәжірибесін жинақтап қосып отырады. Әр тілдің өз тарихы, басқа тілдердің тағдырымен байланысты өз тағдыры бар. Әр тілдің өзі бір әлем. Тіл – халықтың тірі жаны, оның қуанышы, азабы, жады, қазынасы. Құрметке лайық емес тіл жоқ. Тарихи тұрғыдан алғанда, Қазақстан аумағында 85-тен астам ұлт және ұлыстың өкілдері тұрады. Әр халықтың өз тілі бар, ол балаларына анасының дауысы сияқты, туған жерінің наны сияқты қымбат. Қазақстан халқының тілдері күні ҚР Президентінің 1998 жылғы 20 қаңтардағы Жарлығымен жарияланды және барлық қазақстандықтардың ортақ мерекесіне айналды. Бастапқыда ол қыркүйектің үшінші жексенбісінде, ал «Қазақстан Республикасындағы мереке күндерінің тізбесін бекіту туралы» Қазақстан Республикасы Үкіметінің 2017 жылғы 31 қазандағы № 689 қаулысына сәйкес мереке 5 қыркүйек күні қазақ ағартушысы және ғалымы Ахмет Байтұрсыновтың туған күніне белгіленді. Осы айтулы оқиға қарсаңында Солтүстік Қазақстан жоғары медицина колледжі кітапханасының сайтында «Народа каждого язык понятен и велик» медиа-минуты ұйымдастырылды.
