СҚЖМК ВОЛЕЙБОЛ ЛИГАСЫ
2022 жылдың 28 қарашасынан бастап колледжде бірінші, екінші және үшінші курстардың 8 командасы қатысатын волейбол лигасы басталды. Спорттық шара екі айналымда өтеді, сондықтан барлық қорытындылар желтоқсан айының соңында шығарылады.
Турнир кестесіне сәйкес колледждің спорт залында күн сайын сағат 17:00-де басталатын екі матч өтеді. Қазіргі уақытта үш тур өтті. Лигада озық нәтиже көрсетіп тұрғандар Ф21-01к (тоғыз ұпай) тобы. Екінші орында Ф22-03 командасы (алты ұпай), үшінші орында Ф21-02 командасы (алты ұпай). Турнир кестесін Ф22-12 және Ф22-01к командалары тұйықтайды.
Лига матчтарына ерекше жеңіс атмосферасын сыйлайтын және өз командаларын белсенді қолдайтын жанкүйерлерді атап өтпеске болмайды.
