Баршаңызды жатақхана құрылысының басталуымен құттықтаймыз. Бүгінгі таңда сапалы білім беруге ғана емес, әлеуметтік-тұрмыстық жағдайды жақсартуға да көп көңіл бөлінуде. Мысалы, тұрғын үй мәселесі сияқты. 26.11.2020 жылы Солтүстік Қазақстан жоғары медицина колледжінің директоры Дүйсембаев Ә.Қ. Солтүстік Қазақстан облысының әкімі Қ.І.Ақсақаловпен кездесу өткізді, онда Солтүстік Қазақстан жоғары медицина колледжінің оқытушылары мен студенттеріне арналған жатақхана құрылысының міндеттері белгіленді. Жобалық-сметалық құжаттама әзірленді 2021 жылдың ақпан айынан бастап Нұрсұлтан Назарбаев көшесі, 152 бойынша 244 орындық 9 қабатты жайлы ғимараттың құрылысы басталады. Жастарды қолдау – бұл елдің дамуына салынған инвестиция. Облыс әкімдігінің, денсаулық сақтау басқармасының қолдауымен жатақхана салынады.
