Білім күні – барлық студенттер, олардың ата-аналары мен оқытушылары үшін салтанатты сәт. Колледждің табалдырығын аттағандар үшін ең қызықты және есте қаларлық күн: бірінші курс студенттері үшін жаңа өмір басталады. Колледждің есігі алғаш рет болашақ медицина қызметкерлері 355 студент үшін ашылды.
Колледж директоры Мукашев А.М. баршаны құттықтай отырып, ол біздің көз алдымызда білім экономиканың ең маңызды ресурстарының біріне айналатынын атап өтті. Оның ойдағыдай дамуы – әрбір қазақстандықтың лайықты өмірінің, тұтастай алғанда елдің әлеуметтік-экономикалық прогресінің негізі. Өміріміз болашақта қандай болатынына, туған Қазақстанымыз қандай болатыны өзімізге байланысты!
Сондай-ақ, бірінші курс студенттері өз кураторларымен танысып, кураторлық сағаттарға барып, колледжге және оқуға қатысты барлық қажетті ақпаратты білді.
