Жаңалықтар

Ж. Тілеулин атындағы Солтүстік Қазақстан жоғары медициналық колледжінде оқытушылар арасында өткен волейбол жарысы ұжымның салауатты өмір салтын қолдау мақсатында ұйымдастырылды. Екі күн бойы педагогтар мен әкімшілік бөлім мамандары жарысқа қатысып, өзара шеберлік сынасты. Жарысқа 4 құрама команда қатысты, олардың барлығы жоғары деңгейде дайындық көрсетті.
Ойын барысында командалар жанкүйерлеріне тамаша ойын өрнегін ұсынып, ерекше көңіл-күй сыйлады. Әр команда 3 ойыннан өткізген соң, ең мықты құрама жеңімпаз атанды. «Андрелин» «Медбике ісі» құрамасы барлық бәсекелестерін артта қалдырып, кубокты жеңіп алды.
Жарыс барысында ойыншылар әртүрлі аталымдар бойынша да марапатталды, бұл спортшылардың шеберлігі мен командалық рухын арттырып, ұжымдағы достық пен ынтымақтастықты нығайтты.
Оқу бөлімінің менеджері Айсұлусайлаубекқызы үздік ойыншы болып танылды.
Ақпараттық-техникалық орталықтың басшысы Иван Стреляев көрермендер көзайымы сыйлығымен марапатталды.
Жеңіске деген ерік жігер және табанды күш жігері үшін дене шынықтыру пәнінің оқытушысы Марат Сәбитов марапатталды.