Мейірбике күні – бұл жыл сайын 12 мамырда атап өтілетін маңызды кәсіби мереке. Бұл күн осы мамандықтың дамуына үлкен үлес қосқан заманауи мейірбике жүйесінің негізін қалаушы Флоренс Найтингейлдің туған күніне орайластырылған. Бұл күн қоғамға мейірбике кәсібінің маңыздылығын және оның жалпы денсаулық сақтау жүйесі үшін маңыздылығын еске салады.
Солтүстік Қазақстан жоғары медицина колледжінің базасында салтанатты іс-шара өтті, онда медицина қызметкерлеріне грамоталар мен медальдар табыс етілді. СҚО әкімдігі ДСБ басшысы Бижанов Қ.Б. осы мамандықтың маңыздылығын атап өтті.
Медицина қызметкерлеріне арналып Ақан сері атындағы облыстық филармониясының әртістері мен Солтүстік Қазақстан жоғары медицина колледжінің студенттері орындаған музыкалық нөмірлер шырқалды.
Денсаулық сақтау басшылары оқу аудиторияларымен, зертханалармен танысып, колледждің симуляциялық орталығына, кітапханасына және мұражайына барып, заманауи симуляциялық технологиялар нақты жұмысқа барынша жақын жағдайларда практикалық дағдыларды алуға мүмкіндік беретініне назар аударды.
Бұл іс-шара мамандықтың, медициналық білімнің маңыздылығын және денсаулық сақтау жүйесіндегі медицина қызметкерлерінің рөлін атап өтіп, болашақ мамандарды жоғары кәсіби стандарттарға жетуге шабыттандырады.
Жаңалықтар
Оқудан кәсіби жеңістерге
Қаралды: 461
