Жаңалықтар

12.11.25 жылы колледжде адам құқықтарын құрметтеу, әділеттілік және азаматтардың құқықтық мәдениетін қалыптастыру мәселелеріне арналған "Құқықтық мемлекеттегі толеранттылық" атты дөңгелек үстел өтті. Дөңгелек үстел жұмысына М25-11, Ф25-11, Ф25-03 топтарының бірінші курс студенттері қатысты.

Толеранттылық — бұл өзге пікірге жай ғана төзім таныту емес, әр адамның қадір-қасиетін құрметтеу, оның ұлтына, дініне немесе әлеуметтік айырмашылықтарына қарамастан, құқықтары мен бостандықтарын мойындау.
Дөңгелек үстел барысында тақырыптың түрлі қырларын ашатын бес мазмұнды баяндама ұсынылды. Баяндамашылар толеранттылық ұғымын құқықтық мемлекет контекстінде қарастырып, оның адам құқықтарымен байланысын және азаматтық қоғамды қалыптастырудағы рөлін талдады. Конституциялық теңдік кепілдіктері, халықаралық стандарттар (БҰҰ, Еуропа Кеңесі), сондай-ақ нақты сот істерінің мысалдары талқыланды. Сөз бостандығы мен өзгелерді құрметтеудің арасындағы тепе-теңдік мәселелері және диалог мәдениетін қалыптастырудағы БАҚ-тың рөлі қарастырылды. Этносаралық және конфессияаралық қатынастарды реттеудің құқықтық тетіктері зерттеліп, қоғамдық келісімді нығайтудағы толеранттылықтың маңызы атап өтілді. Қорытынды баяндамада білім беру, бұқаралық ақпарат құралдары және әлеуметтік жобалардың студенттердің құқықтық мәдениетін дамытудағы рөлі көтерілді. Ерекше назар практикалық формаларға — дебаттарға, волонтёрлыққа және құқықтық клубтардың жұмысына аударылды.
Талқылау көрсеткендей, толеранттылық — әділ және тұрақты қоғам құру үшін аса қажет өмірлік қажеттілік.
Іс-шараны ұйымдастырушы Вольхина Т.В. кездесу студенттердің құқықтық мінез-құлық мәдениетін, қоғамның болашағы үшін өзара сыйластық пен азаматтық жауапкершілікті қалыптастырудағы маңызды кезең болғанын атап өтті