05.09.2022 жылы СҚО әкімдігі ДСБ «Солтүстік Қазақстан жоғары медицина колледжі» ШЖҚ КМК әкімшілігі бірінші курс студенттерімен «Академиялық адалдық» тақырыбында алғашқы кездесу өткізді.
Академиялық адалдық қағидаттарын сақтау – табысты және сапалы білім берудің негізі. Кездесу студенттерді академиялық адалдықтың негізгі қағидаттарымен таныстыру, олардың адалдығын, жауапкершілігі мен әдептілігін үйрету, сондай-ақ жастар арасында сыбайлас жемқорлыққа қарсы мәдениетті қалыптастыру мақсатында өтті.
Директордың тәрбие жұмысы жөніндегі орынбасары Абулкина А.Б. студенттерге біздің колледжде сыбайлас жемқорлықты жою үшін құрылған «Саналы ұрпақ» клубының жұмысы туралы айтып берді.
КГП на ПХВ “Северо-Казахстанский высший медицинский колледж” КГУ “УЗ акимата СКО”
«Саналы ұрпақ» клубының миссиясы – жаңа медициналық кадрларды даярлау арқылы білім берудің, ғылымның және клиникалық практиканың жоғары сапасын қамтамасыз ету арқылы қоғамды дамыту. Ол үшін студенттер де, оқытушылар да колледжде сыбайлас жемқорлыққа қарсы атмосфераны құру үшін Академиялық адалдық принциптерін ұстануы керек.
Осы мақсатта колледж әкімшілігі жыл бойы Петропавл қаласы әкімдігі, прокуратура, ҰҚК, Мемлекеттік қызмет істері және сыбайлас жемқорлыққа қарсы іс-қимыл агенттігі қызметкерлерінің қатысуымен Студенттерге арналған іс-шараларды ұйымдастырады.
Кездесу барысында студенттерге колледждің академиялық саясаты, Академиялық адалдықтың негізгі қағидаттары және колледждің ішкі ережелері туралы ақпарат берілді.
