15.03.2024 жылы Солтүстік Қазақстан жоғары медицина колледжінде кеңестің хаттамалық тапсырмаларын орындау және колледж түлектерінің жұмысқа орналасу деңгейін арттыру және мемлекеттік медицина ұйымдарында орта медицина қызметкерлерінің тапшылығын азайту және түлектерді уақтылы жұмысқа орналастыру жөніндегі іс-шаралар жоспарын іске асыру мақсатында Ашық есік күні өткізілді.
Кездесуге Денсаулық сақтау басқармасы басшысының м.а. Таганиязов Н.М., басшының стратегиялық даму жөніндегі орынбасары Иманжанов Н.Т., СҚО ДСБ Қоғамдық денсаулық сақтау бөлімінің басшысы Романовский Р.В., қала мен облыстың медицина ұйымдарының өкілдері, колледж әкімшілігі мен түлектері қатысты.
2024 жылы жалпы практикадағы мейіргер, акушер, медициналық лаборант, фармацевт, тіс дәрігері біліктілігі бар 300 жас маман шығару жоспарлануда. «Ауылдық денсаулық сақтауды жаңғырту» ұлттық жобасы аясында облыста 46 БМСК объектілерін салу жоспарланған. 2023 жылы 8 объектінің құрылысы аяқталды. Ағымдағы жылда 38 медицина объектісінің құрылысы жоспарланған. Бұл объектілер білікті кадрлармен қамтамасыз етілуі тиіс.
Колледжіміз бен жұмыс берушілер арасындағы тығыз ынтымақтастық бастамасы бір жағынан студенттерді жұмысқа орналастыру, екінші жағынан облыстың медицина ұйымдары үшін білікті кадрларды іріктеу мәселесін тиімді шешуді қамтамасыз етеді.
